Иқтисодиёт ва саноат вазирлигига янги раҳбар тайинланди

Бугун, 25 феврал куни Иқтисодиёт ва саноат вазирлигида Ўзбекистон Республикаси Бош вазири Абдулла Нигматович Арипов иштирокида кенгайтирилган йиғилиш бўлиб ўтди. Йиғилишда молия, иқтисодиёт ва камбағаллик билан курашиш бўйича бош вазир ўринбосари - иқтисодиёт ва саноат вазири этиб тайинланган Жамшид Анварович Қўчқоров вазирлик жамоасига таништирилди. Ж.А.Қўчқоров ушбу лавозимга тайинлангунга қадар бош вазир ўринбосари - молия вазири лавозимида ишлаб келган. Ўз навбатида, Иқтисодиёт ва саноат вазири Ботир Хўжаев бош вазирнинг саноат ва кооперациялар бўйича маслаҳатчиси лавозимига тайинланган.